Palisa mini erschte Holydays=)

 Sodeli die erschte zwei Bilder zeige wie d Lüüt in Palisa lebe abr die meischte  lebe in dene Hüüsli mitem Strohdach. Ich find d Umgebig in Palisa voll schön und so Dschungelferiestyle mässig=)

 Den hän mir eh ganze Dag eh Usflug gmacht d Annika und ich häns Vrgnüge kha dr ganz Dag Boda Boda mitzfahre si mitem Gilbert. Das isch dä wo mir sin go bsueche und dr Annika ihre beschti Fründ worde isch in Afrika und mitem Tinty das isch dr beschti Fründ vom Gilbert bi ich mit gfahre es isch oberhammer gsi und s Wetter het meischens au oberhammer mitgmacht. Eusi Huut hets Zobe gmerkt wo mir beidi echli Sunnebrand kha hän upsi. Ufem erschte Bild gseht meh wie mir den au no ufes Seeli sin und afrikanisch Boot gfahre sin hihihi. Dr Sunneuntergang isch au wunderschön gsi das isch eh unvrgessliche Dag für mi=).

 Zähn putze, dusche und ufs Klo goh isch in reale afrikanische Vrhältniss halt echli anderscht=)
Bim zweite Bild gseht meh eusi Dusche die vier Wändli mitemene Chüble chaltem Wasser drinne womeh sich dens Wasser irgendwie selber aschmeisst das meh nass wird, ERLEBNISS PUUUUUR =)
Den s WC Hüüsli isch ungefähr 25 Meter hinter eusem Schlofruuum gsi mitem Loch im Bode tja